FASIANA Avis

FASIANA Avis

rara in conviviis vett. Imp. Alex. Seu. Calendis Ianuariis, et Hilariis Matris Deûm, et Ludis Apollinaribus, et Iovis epulo, et Saturnalibus, et huiusmodi festis diebus solum fasianum: aliquando duos, additis gallinaceis duobus, posuisse legitur apud Lamprid. Tacitus Imp. non nisi suo et suorum natali, et diebus festivissimis, apud Vopisc. Pertinax Imp. numquam privato convivio comedit, aut misit alicui, apud Capitolin. Ita sobriis Principibus ultimus finis fasianus erat. Iulianus plane abstinuit, qui, teste Amm. Marcell. phasianum, et vulvam, et sumen exigi vetuit, et inferri munificis. Contra Heliogabalus, habuit consuetudinem, ut unâ die non msi de fasianis tantum ederet, omnesque missus solâ fasianorum carne strueret. Imo psittacis atque fasianis leones pavit et alia animalia, apud Ael. Lamprid. etc. Videinfra Phasianus.